• Maraina

Ialao ny toe-dratsy, meteza hatao batisa, dia havelan'Andriam­anitra ny helokareo.
Marka 1:4 (DIEM)

• Alina

Ary tantarao ny zava-dehibe nataon'Andriama­nitra taminao. Lioka 8:39 (Katôlika)

• Maraina

Fa niteny Izy, dia tonga izay voalazany; nandidy Izy, dia nisy avy hatrany ireny. Salamo 33 :9 (DIEM)

• Atoandro

Jehovah o, Hianao no ialofako, aoka tsy ho menatra akory mandrakizay aho; vonjeo amin'ny fahamarinanao aho. Atongilano amiko ny sofinao, faingana hamonjy ahy; aoka ho vatolampiko fiarovana mafy Hianao sy batery fiarovana hamonjena ahy. Salamo 31:1-2

• Alina

Ataovy marina ny alehan'ny tongotrao, ary aoka ho mahitsy ny lalanao rehetra. Ohabolana 4:26 (Katôlika)

Maraina
Ankino amin'ny TOMPO ny asanao, dia ho tanteraka izay kasainao. Ohabolana 16:3 (DIEM)

Alina
Tsy misy toa Anao Tompo ô! Lehibe Ianao. Jeremia 10:6a (Katôlika)

• Maraina

Aoka ianareo tsy hanao anakampo hoe: "Ny tanjakay sy ny herinay no nahavorianay izao harena izao!" Tsarovy kosa fa ny TOMPO Andriamanitrare­o no manome anareo ny hery hamoriana harena. Deoteronomia 8:17-18 (DIEM)

• Alina

Koa aza mba matory tahaka ny sasany isika, fa aoka hiari-tory sy hifady hanina. 1 Tesalônisianina­ 5:6 (Katôlika)

• Maraina

Eto ambonin'ny tany manko dia tsy misy olo-marina izay manao ny tsara kanefa tsy diso. Koheleta na Mpitoriteny 7:20 (DIEM)

• Atoandro

Mandraka ankehitriny dia tsy mbola nangataka na inona na inona tamin'ny Anarako ianareo; mangataha, dia hahazo ianareo, mba ho tanteraka ny fifalianareo. Jaona 16:24

• Alina

Ny harena mahamaro sakaiza, fa ny mahantra dia tafasaraka amin'ny sakaizany. Ohabolana 19:4 (Katôlika)

• Maraina

Raha misy alaim-panahy, aoka izy tsy hanao hoe: Andriamanitra no maka fanahy ahy; satria tsy mba mety alaim-panahy hanao ratsy Andriamanitra sady tsy mba maka fanahy olona. Fa samy alaim-panahy ny olona, rehefa mitaona azy sy mitady hamandrika azy ny filandratsiny. Jakoba 1:13-14 (DIEM)

• Atoandro 

Raha misy olona ta-hanaraka Ahy, aoka izy handà ny tenany sy hitondra ny hazo fijaliany ka hanaraka Ahy. Matio 16:24 

• Alina

Eny, harem-be tokoa ny fitiavam-bavaka­, ho an'ny olona mahay mianina amin'izay ananany. 1 Timôte 6:6 (Katôlika)

• Maraina

Arovy tsy ho voan'ny ota iniana aho, ka aza avela hanan-kery amiko ireny; dia tsy hanan-tsiny tokoa aho sady ho afaka amin'ny heloka bevava. Salamo 19:14 (DIEM) 

• Alina

Izay tia vola, tsy mety vokim-bola; ary izay tia harena, tsy hahazo vokatry ny tany. Zava-poana koa izany. Amin'ny toerana be harena, dia maro ny mpihinana azy ary inona moa no soa azon'ny tompony amin'izany, afa-tsy ny mahita maso izany hareny izany? Kôhelety 5:9-10 (Katôlika)
 

• Maraina

 Iray ny Tompo, iray ny finoana, iray ny batisa; iray Andriamanitra sady Rain'ny kristianina rehetra, manjaka amin'izy rehetra, miasa amin'ny alalan'izy rehetra ary mitoetra ao amin'izy rehetra. Efesianina 4:5-6 (DIEM)

• Atoandro

Miaraha miaritra ny mafy amiko ianao tahaka ny miaramila tsaran'i Kristy Jesosy. Ny miaramila manafika dia tsy mba misy maningo-tena amin'ny raharahan'izao fiainana izao. mba hahafaly izay efa nifidy azy ho miaramila. Ary raha misy manezaka amin'ny filalaovana, dia tsy satrohana satro-boninahit­ra izy, raha tsy manezaka araka ny lalàna. 2 Timoty 2:3-5

• Alina

Ary hoy Izy tamin'ny olona: tandremo tsara sao ho azon'ny fitiavan-karena­ ianareo, fa ny ain'ny olona tsy miankina amin'ny habetsahan'izay­ ananany. Lioka 12:15 (Katôlika)

• Maraina

Aza maka zavatr'olona an-keriny na am-pitaka, fa aoka ianareo ho afa-po amin'ny karamanareo. Lioka 3:14 (DIEM) 

• Atoandro

Fa hoy Jesosy taminy: Tsy misy olona mitana fangady tarihina ary miherika ka miendrika ho ao amin'ny fanjakan'Andriamanitra. Lioka 9:62

• Alina

Fa Izaho Tompo Andriamanitrareo, dia Andriamanitra fatra-pitandro hasina, ka mamaly ny ny heloky ny ray amin'ny zanaka, hatramin'ny taranaka fahatelo sy fahefatra, amin'izay mankahala Ahy; fa mamindra fo amin'ny taranaka arivo mifandimby kosa, amin'izay tia Ahy sy mitandrina ny didiko. Deôterônômy 5:9b-10 (Katôlika)

• Maraina

 Eny, fahasoavan'Andriamanitra no namonjena anareo, tamin'ny alalan'ny finoana! Ary tsy avy aminareo izany famonjena izany, fa fanomezan'Andriamanitra; tsy vokatry ny ezaka vita, fandrao hisy hirehareha. Efesianina 2:8-9 (DIEM)

• Atoandro

Fa Andriamanitra tsy niantso antsika ho amin'ny fahalotoana, fa amin'ny fahamasinana. Koa izay mandà, dia tsy olona no laviny, fa Andriamanitra, Izay manome anareo ny Fanahiny Masina. 1 Tesaloniana 4:7-8

• Alina

Fa izay tian'ny Tompo no faiziny, toy ny ataon'ny ray amin'ny zanaka malalany. Ohabolana 3:12 (Katôlika)

• Maraina

Aoka hiray saina sy hiray fo ianareo rehetra: mifankatiava toy ny mpiray tampo, mahaiza mifangoraka, manetre tena. 1 Petera 3:8 (DIEM)

• Atoandro

Tiava ny fahavalonareo; manaova soa amin'izay mankahala anareo; misaora izay manozona anareo, ary mivavaha ho an'izay manisy ratsy anareo. Lioka 6:27-28

• Alina

Ry Tompo o, Andriamanitro Ianao; hankalaza Anao aho, hidera ny anaranao, satria Ianao efa nahavita zava-mahagaga izay efa voakasanao hatry ny elabe ka sady azo itokiana no mafy orina. Izaia 25:1 (Katolika)

• Maraina

Fa ny olona ratsy fanahy dia vao mainka hiharatsy hatrany. Ianao kosa, mahareta tsara amin'izay nianaranao sy nekenao tokoa; satria fantatrao ireo olona nampianatra anao izany. 2 Timoty 3:13-14 (DIEM)

• Atoandro

Sambatra ny malahelo am-panahy; fa azy ny fanjakan'ny lanitra. Matio 5:3

•  Alina

Ka aoka ho ao aminareo ny fahatahorana ny Tompo, ary tandremo ny asanareo; fa ao amin'ny Tompo Andriamanintsika, tsy mba misy tsy fahamarinana na fizahan-tavan'olona na fandraisana kolikoly. 2Tantara 19:7 (Katolika)

• Maraina

Sambatra ny olona izay maharitra ny fitsapana; fa rehefa voasedran'izany izy, dia ny fiainana efa nampanantenain'Andriamanitra ireo tia Azy no horaisiny ho satroboninahi-pandresena. Jakoba 1:12 (DIEM)

• Atoandro 

Ary ho an'izay mahay manao mihoatra noho ny zavatra rehetra, eny, mihoatra lavitra noho izay rehetra angatahintsika na heverintsika aza, araka ny hery izay miasa ato amintsika, ho Azy anie ny voninahitra ao amin'ny fiangonana sy ao amin'i Kristy Jesosy hatramin'ny taranaka farany indrindra mandrakizay mandrakizay. Amena. Efesiana 3:20-21 

• Alina

Koa aza matahotra olona ianareo. Fa tsy misy takona izay tsy haseho, na miafina izay tsy ho fantatra. Matio 10:26 (Katolika)

• Maraina

Tsy nisy fakampanahy nianjady taminareo afa-tsy izay mpahazo ny olombelona. Fa mitana ny toky nomeny Andriamanitra ka tsy hamela anareo halaim-panahy mihoatra noho izay zakan'ny herinareo. Rehefa ianjadian'ny fakampanahy kosa ianareo, dia homeny hery hahazakanareo sy homeny lalana hahafahanareo. 1 Korintianina 10:13 (DIEM)

• Atoandro

Ka dia maneke an'Andriamanitra ianareo, ary manohera ny devoly, dia handositra anareo izy. Jakoba 4:7

• Alina

Aza mifaly raha lavo ny fahavalonao; ary aza miravoravo fo amin'ny faharavàny, fandrao hitan'ny Tompo izany, ka ratsy eo imasony. Ohabolana 24:17-18a (Katôlika)

• Maraina

Ny Tompo no mpanampy ahy, ka tsy hatahotra aho. Inona no ho azon'olona atao amiko? Hebreo 13:6 (DIEM)

• Atoandro

Indro, miantsinanana aho, fa tsy any Izy; Ary miankandrefana aho, fa tsy hitako Izy; Mianavaratra amin'izay iasany aho, fa tsy tazako Izy; Mivily any atsimo Izy, ka tsy hitako. Fa mahalala ny lalana falehako Izy; Raha hizahany toetra aho, dia hivoaka tahaka ny volamena. Joba 23:8-10 

• Alina

Izaho kosa hifantoka amin'ny Tompo, hanantena an'Andriamanitra mpamonjy ahy; hihaino vavaka ahy ilay Andriamanitro. Mikea 7:7 (Katolika)

• Maraina

Raha i Mosesy sy ny mpaminany tsy henoiny, dia tsy hiaiky izy na misy olona mitsangana velona avy any amin'ny maty aza. Lioka 16:31 (DIEM)

• Atoandro

Fa mahitsy ny tenin'i Jehovah, ary ny asany rehetra dia mahatoky avokoa. Tia fahamarinana sy rariny Izy; henika ny famindram-pon'i Jehovah ny tany. Salamo 33:4-5

• Alina

Hitombo ao aminareo hatrany hatrany anie ny famindrampo sy ny fiadanana ary ny fitiavana! Jodà 1:2 (Katôlika)

• Maraina

Aoka hiray amiko hatrany ianareo toy ny iraisako aminareo. Ny sampana tsy afa-mamokatra ho azy raha tsy miray amin'ny voaloboka hatrany; dia toy izany koa ianareo: tsy afa-mamokatra, raha tsy miray amiko hatrany. Johany 15:4 (DIEM) 

• Atoandro

Farany, ry rahalahy, na inona na inona marina, na inona na inona manan-kaja, na inona na inona mahitsy, na inona na inona madio, na inona na inona maha-te-ho-tia, na inona na inona tsara laza, raha misy hatsaram-panahy, ary raha misy dera, dia hevero izany. Filipiana 4:8

• Alina

Ianao mino fa misy Andriamanitra iray, tsara ny ataonao; ny demony koa anefa mino izany, ka mangovitra. Jakôba 2:19 (Katôlika)

• Maraina

Na dia efa fantatrareo aza ny zavatra rehetra, dia tiako hampahatsiarovina anareo ireto: rehefa novonjen'ny Tompo tanteraka ho afaka tany Ejipta ny vahokany, dia naringany ihany taty aoriana izay tsy nino. Toy izany koa ny mponina tao Sodoma sy Gomora mbamin'ireo tanana manodidina: nanao fitondrantena maloto izy ireo ary lasa nivarilavo amin'ny zavatra tsy tokony hatao, ka raiso ho fananarana satria afo maharitra mandrakizay no sazy mihatra aminy.
Joda 1:5-7 (DIEM)

• Atoandro

Ny fahendren'ny olona manindry ny fahatezerany, Ary voninahitra ho azy ny tsy mamaly fahadisoana. Ohabolana 19:11

• Alina

Satria tsy fanahy kanosa no nomen'Andriamanitra antsika, fa fanahy mahery sy be fitiavana ary mahonon-tena. 2Timote 1:7 (Katôlika)

• Maraina

Halaviro daholo ny zava-dratsy isan-karazany. 1 Tesalonianina 5:22 (DIEM)

• Atoandro

Mifalia amin'ny fanantenana; miareta amin'ny fahoriana; mahareta amin'ny fivavahana. Romana 12:12

• Alina

Fa toy izao no nandidian'ny Tompo anay: Efa natsangako ho fahazavan'ny hafa firenena ianao, mba hitondra famonjena hatramin'ny faravazan-tany. Asa 13:47 (Katolika)

• Maraina

Tsy misy madio na inona na inona amin'ny olona voaloto sady tsy mino, satria samy efa voaloto na ny sainy na ny fieritreretany. Miaiky izy fa mahalala an'Andriamanitra, nefa manda Azy amin'ny ataony; ka olona mpanimbazimba sady tsy mba manoa ary tsy mahavita asa soa na inona na inona. Tito 1:15-16 (DIEM) 

• Atoandro

Jehovah dia lavitra ny ratsy fanahy; Fa ny fivavaky ny mrina no henoiny. Ohabolana 15:29

• Alina

 Fa izao ihany e: manaova fitondrantena mendrika ny Vaovao Mahafaly. Filipianina 1:27a (Katolika)

• Maraina

Mpampianatra o, inona no didy lehibe indrindra ao amin'ny lalana? Dia hoy i Jesoa taminy: Tiavo ny Tompo Andriamanitrao amin'ny fonao manontolo, amin'ny fanahinao manontolo, ary amin'ny sainao manontolo. Izany no didy lehibe indrindra sady voalohany. Ary ny faharoa, izay tahaka ny voalohany ihany, dia izao: Tiavo ny namanao tahaka ny itiavanao ny tenanao. Matio 22:36-40 (DIEM)

• Atoandro

Izaho no Alfa sy Omega, hoy ny Tompo Andriamanitra, Ilay ankehitriny sy taloha ary ho avy, dia ny Tsitoha. Apokalypsy 1:8

• Alina

Ary raha mandeha ianareo, mitoria hoe: Efa akaiky ny fanjakan'ny lanitra. Matio 10:7 (Katôlika)

• Maraina

 An'ny malalako aho ary ahy ny malalako. Tononkiran'i Solomona 6:3 (DIEM)

• Atoandro

Koa amin'izany manetre tena ambanin'ny tàna-maherin'Andriamanitra, mba hanandratany anareo amin'ny fotoan'andro.n 1 Petera 5:6

• Alina

Fa maro no nantsoina, nefa vitsy no fidina. Matio 22:14 (Katôlika)

• Maraina

Fa mitomboa fahasoavana sy fahalalana an'i Jesoa Kristy Tompotsika sy Mpamonjy antsika. 2 Petera 3:18 (DIEM) 

• Alina

Hankalazaina anie ny Anaran'Andriamanitra hatrizay hatrizay ka ho mandrakizay fa Azy ny fahendrena sy ny hery. Daniela 2:20 (Katôlika)

• Maraina

Ny teniko dia toy ny afo mandoro, ary toy ny kanonta manorotoro vatolampy, hoy ny teny hentitra avy amiko Tompo. Jeremia 23:29 (DIEM)

• Atoandro

Matokia an'i Jehovah mandrakizay, fa Jehovah Tompo no Vatolampy mandrakizay. Isaia 26:4

• Alina

Mandehana, hoy i Jesoa, fa ny finoanao no nahavonjy anao. Dia nahiratra niaraka tamin'izay izy, ka nanaraka Azy teny an-dalana. Marka 10:52 (Katolika)

• Maraina

Ny ady tsara no efa vitako, tratrako ny tanjon'ny fihazakazahana, voatanako ny finoana. 2 Timoty 4:7 (DIEM) 

• Atoandro

Fa ny adala amin'izao tontolo izao no nofidin'Andriamanitra hampahamenatra ny hendry; ary ny malemy amin'izao tontolo izao no nofidin'Andriamanitra hampahamenatra ny mahery. 1 Korintiana 1:27

• Alina

Izy manko no mpamorona ny tendrombohitra sy mpahary ny rivotra; Izy no mampahafantatra amin'ny olombelona ireo fikasàny, Izy no mahatonga ny maraina ho haizina, sady mandia ny faratampon'ny tany. Ny Tompo Andriamanitry ny tontolo no anarany. Amosa 4:13 (Katolika)

Maraina
Aoka ny fihavanana no hifamatoranareo, dia hazoto mitana ny firaisana avy amin'ny Fanahy Masina ianareo. Efesianina 4:3 (DIEM) 

Atoandro
Manoatra noho ny mpandresy isika amin'ny alalan'ilay tia antsika. Romana 8:37

Alina
Afikiro amin'ny fampanantenànao ny diako, ary aza avela hisy haratsiana hanjaka ato amiko. Salamo 119:133 (Katolika)

• Maraina

Raha misy mandre ny teniko ka tsy mitandrina ireny, dia tsy manameloka azy Aho; satria tsy hanameloka an'izao tontolo izao no nahatongavako, fa hamonjy an'izao tontolo izao. Johany 12:47 (DIEM)

• Atoandro

Mangataha, dia homena ianareo; mitadiava, dia hahita ianareo; dondony, dia hovohana ianareo. Matio 7:7

• Alina

Koa aza matahotra olona ianareo. Fa tsy misy takona izay tsy haseho, na miafina izay tsy ho fantatra. Matio 10:26 (Katolika)

• Maraina

Raha mitandrina ireo didiko ianareo, dia hitoetra ao amin'izany fitiavako anareo izany, tahaka ny nitandremako ireo didin'ny Raiko sy itoerako ao amin'ny fitiavana Ahy. Izany no voalazako taminareo, dia mba ho ao aminareo ny hafaliako ary mba ho feno ny hafalianareo. Johany 15:10-11 (DIEM) 

• Atoandro

Fa mahasoa kely ihany ny fampiasana ny tena; fa ny toe-panahy araka an'Andriamanitra no mahasoa amin'ny zavatra rehetra ka manana ny teny fikasana ny amin'ny fiainana ankehitriny sy ny ho avy koa. 1 Timoty 4:8

• Alina

Koa ihavano sy ifankazaro Andriamanitra, fa izany no hiverenan'ny hasambarana aminao. Joba 22:21 (Katolika)

• Maraina

Fony mbola zaza aho, dia niteny toy ny zaza, nihevitra toy ny zaza, nisaina toy ny zaza; rehefa tonga olondehibe aho, dia nariako avokoa ny fanaon-jaza. 1 Korintianina 13:11 (DIEM) 

• Atoandro

Fa velona sy mahery ny tenin'Andriamanitra ka maranitra noho ny sabatra roa lela, ka manindrona hatramin'ny fampisarahana ny aina sy ny fanahy ary ny tonona sy ny tsoka, ka mahay mamantatra ny eritreritra sy ny fisainan'ny fo. Hebreo 4:12

• Alina

Lehibe tokoa manko ny famindram-pon'ilay Andriamanintsika fa Masoandro avy any ambony no hamangy antsika, mba hanilo izay rehetra mitoetra ao amin'ny maizina sy aloky ny fahafatesana, ka hitarika ny diantsika ho amin'ny lalam-piadanana. Lioka 1:78-79 (Katolika)

• Maraina

Matoky aho fa tsy hisy hahasaraka antsika amin'ny fitiavana asehon'Andriamanitra antsika; eny, na ny fahafatesana, na fiainana, na anjely, na ireo fanapahana na ireo hery eny ana habakabaka, na zavatra ankehitriny na zavatra ho avy, na zavaboaary inona, dia tsy hisy hahasaraka antsika amin'ny fitiavana asehon'Andriamanitra antsika ao amin'i Kristy Jesoa Tompontsika. Romanina 8:38-39 (DIEM)

• Atoandro

Aza manao anao ho hendry; Matahora an'i Jehovah, ka mifadia ny ratsy. Dia ho famelombelomana ny nofonao izany Sy ho fanamandoana ny taolanao. Ohabolana 3:7-8

• Alina

Ilay Tompo Andriamanitrareo no araho, Izy no atahory; ny didiny no tandremo, ny feony no ekeo; Izy no tompoy ary Izy no ifikiro. Deoteronony 13:5 (Katolika)

• Maraina

TOMPO o, todiho aho ka iantrao fa irery sady fadiranovana. Toneo ny tebitebin'ny foko ary tsoahy avy ato an-katerena aho. Jereo ny fahoriako sy ny fijaliako, ka avelao ny fahotako rehetra. Salamo 25:16-18 (DIEM) 

• Atoandro

Aza samy mihevitra ny azy ihany, fa samy ny an'ny namany koa. Filipiana 2:4

• Alina

Ary ankehitriny, inona no andrasanao? Mitsangàna raiso ny batemy, ary midiova ho afa-pahotana, amin'ny fiantsoana ny Anaran'i Jesoa. Asan'ny Apostoly 22:16 (Katolika)

• Maraina

Tsy ho hadinoiko mandrakizay ny fepetranao izay namelomanao ny aiko. Salamo 119 :93 (DIEM)

• Atoandro

Izay mirehareha, aoka Jehovah no ho reharehany. 1 Korintiana 1:31

• Alina

Dia hoy indray i Jesoa taminy: Sarotra, anaka, ny hidiran'izay miankina amin'ny harena amin'ny fanjakàn'Andriamanitra. Marka 10:24b (Katolika)

• Maraina

Fitiavana mandrakizay no itiavako anao ka famindrampo no itaomako anao hanatona Ahy. Jeremia 31:3 (DIEM)

• Atoandro

Miderà an'i Jehovah, miantsoa ny anarany; Ampahafantaro ny firenena ny asany. Ataovy ho reharehanareo ny anarany masina; Aoka hifaly ny fon'izay mitady an'i Jehovah. 1 Tantara 16:8, 10 

• Alina

Ary raha tsy mahatoky amin'izay tsy anareo ianareo, iza no hanome anareo izay anareo? Lioka 16:12 (Katôlika)

• Maraina

Ho fafazako rano madio ianareo, dia hadio; eny, hodioviko ho afaka amin'ny fahalotoanareo rehetra sy ny fanompoan-tsampinareo rehetra ianareo. Homeko fo vaovao ianareo ary fanahy vaovao no hataoko ao anatinareo. Ho esoriko aminareo ny fo tsy miraika toy ny vatoka hosoloiko fo mora anarina. Ny Fanahiko mihitsy no hapetrako ao anatinareo, ka hataoko manaraka ny lalanako ianareo, ary hitandrina sy hanatanteraka ny fitsipiko. Ezekiela 36:25-27 (DIEM)

• Atoandro

Ary tsy ketraka izahay; fa na dia mihalevona aza ny toetray ivelany, dia havaozina isan'andro isan'andro kosa ny toetray anatiny. 2 Korintiana 4:16

• Alina

Fa izay rehetra manao ratsy dia tsy tia ny fahazavana, ka tsy manatona ny fahazavana sao hita miharihary ny asany. Joany 3:20 (Katôlika)

• Maraina

Maty hamonjy ny ratsy fanahy i Kristy. Romanina 5:6 (DIEM) 

• Atoandro

Diniho ny tenanareo, na mitoetra amin'ny finoana ianareo, na tsia; izahao toetra ny tenanareo. Moa tsy fantatrareo va ny amin'ny tenanareo, fa ao anatinareo Jesosy Kristy, raha tsy olona nolavina ianareo ? 2 Korintiana 13:5

• Alina

Tompo ô, andraso amin'ny tehinao ny vahoakanao dia ilay andianondry fanananao.
Mikea 7:14a (Katôlika)

• Maraina

Dia nahary ny olombelona mitovy endrika aminy tokoa Andriamanitra; lehilahy sy vehivavy no nahariany azy. Genesisy 1:27 (DIEM)

• Atoandro

Tsy fantatrao va? Tsy efa renao va fa Andriamanitra mandrakizay Jehovah, izay namorona ny faran'ny tany? Tsy mba mety ho reraka na sasatra Izy; Tsy takatry ny saina ny fahalalany. Mampahatanjaka ny reraka Izy, ary izay kely hery dia omeny hery be. Isaia 40:28-29

• Alina

Fantatro fa mahefa ny zavatra rehetra Ianao, ka tsy misy hevitra sarotra ho anao. Jôba 42:2 (Katôlika)

• Maraina

Hoy i Itsehaka tamin'i Abrahama rainy: -Dada o! Ka novaliany hoe: -Mihaino anao aho, anaka. Ary hoy i Itsehaka hoe: -Indreo ny vainafo sy ny kitay, fa aiza kosa ny zanak'ondry hatao sorona dorana manontolo? Genesisy 22:7 (DIEM)

• Atoandro

Mahatoky ka tokony hekena amin'ny fankasitrahana rehetra izao teny izao: tonga tetỳ ambonin'ny tany Kristy Jesosy hamonjy ny mpanota, ary amin'ireny izaho no lohany. 1 Timoty 1:15

• Alina

Enga anie ny fitiavanareo hitombo bebe kokoa hatrany hatrany amin'ny fahaizana amam-pahalalana rehetra. Filipianina 1:9 (Katôlika)

• Maraina

Fantaro tsara izao: tsy hanana anjara lova amin'ny Fanjakan'i Kristy sy Andriamanitra na ny mpijangajanga na ny maloto fitondrantena na ny mpitia harena (fa mpanompo sampy ny mpitia harena). Efesianina 5:5 (DIEM)

• Atoandro

Na iza na iza manaiky fa Zanak'Andriamanitra Jesosy, dia mitoetra ao aminy Andriamanitra, ary izy kosa ao amin'Andriamanitra. 1 Jaona 4:15

• Alina

Koa miambena àry, fa tsy fantatrareo izay tapak'andro hiavian'ny Tomponareo. Matio 24:42 (Katôlika)

• Maraina

Ary ankehitriny ianareo dia ankiniko amin'Andriamanitra sy amin'ny teniny mirakitra fahasoavana. Andriamanitra no hampahery anareo sy hanome anareo ny soa izay nataony ho anjaran'ireo rehetra voatokana ho Azy. Asan'ny Apostoly 20:32 (DIEM)

• Atoandro

Fa efa miseho ny fahasoavan'Andriamanitra, izay famonjena ny olona rehetra, mampianatra antsika handà izay toe-panahy tsy araka an'Andriamanitra sy ny filan'izao tontolo izao ary ho velona amin'ny onony sy ny marina ary ny toe-panahy araka an'Andriamanitra amin'izao fiainana ankehitriny izao. Titosy 2:11-12

• Alina

Ho levona ny tany amana habakabaka, fa ny teniko tsy mba ho levona. Marka 13:31 (Katôlika)

• Maraina

Ny ranonorana sy oram-panala milatsaka avy any an-danitra dia tsy miverina any raha tsy efa mahavonto ny tany sy mahalonaka azy ary mampahavokatra azy ka mampahazo masomboly hafafy sy hanin-kohanina; dia ho tahaka izany koa ny teny aloaky ny vavako: tsy hiveri-maina foana aty amiko izy, raha tsy efa nahatanteraka izay sitrako sy nahatratra ny tanjona nanirahako azy. Isaia 55:10-11 (DIEM)

• Atoandro

Fa ianareo kosa, ry malala, dia ataovy izay handrosoanareo amin'ny finoanareo masina indrindra, ka mivavaha ao amin'ny Fanahy Masina; ary tehirizo ny tenanareo ao amin'ny fitiavan'Andriamanitra, miandry ny famindram-pon'i Jesosy Kristy Tompontsika ho fiainana mandrakizay. Joda 1:20-21 

• Alina

Ry mpiray tampo ara-pinoana, mahereza ao amin'ny Tompo sy amin'ny heriny tsy hay tohaina. Efezianina 6:10 (Katôlika)

• Maraina 

Fa ny fahendrena avy any ambony dia voalohany indrindra madio, ary koa tia fihavanana, mandefitra, mora ifampiraharahana, be famindrampo sady mahavokatra asa soa, tsy miangatra, tsy mihatsaravelatsihy. Jakoba 3:17 (DIEM)

• Atoandro

Ry malala, mangataka aho mba hambinina sy ho salama amin'ny zavatra rehetra anie ianao, tahaka izay anambinana ny fanahinao ihany. 3 Jaona 1:2 

• Alina

Ary raha an'i Kristy ianareo, dia taranak'i Abrahama tahaka azy, ka mpandova araka ny fampanantenana. Galatianina 3:29 (Katôlika)

• Alina

Vao tonga ireo teninao, dia nohaniko; ny teninao no fifaliako sy firavoravoan'ny foko, satria efa natokana ho Anao aho, ry TOMPO Andriamanitr'izao rehetra izao. Jeremia 15:16 (DIEM)

• Atoandro

Ary aoka isika hifampandinika hampandroso ny fitiavana sy ny asa tsara. Hebreo 10:24

• Alina

Tsy misy mahay manavotra ny rahalahiny akory, na mahaloa ny avony amin'Andriamanitra. Salamo 49:8 (Katôlika)

• Maraina

Ny fahoriana mahatonga faharetana; ny faharetana mahatonga toetra voasedra; ny toetra voasedra mahatonga fanantenana; ary ny fanantenana tsy mba manodoka, fa efa voarotsaka ao am-pontsika ny fitiavan'Andriamanitra, tamin'ny alalan'ny Fanahy Masina Izay nomena antsika. Romanina 5:3-5 (DIEM)

• Alina

Indro Izaho maniraka anareo tahaka ny ondry eo afovoan'ny amboadia, ka mbà malina tahaka ny bibilava ianareo, ary mbà tsotra toy ny voromahailala. Matio 10:16 (Katôlika)

• Maraina

Ary nanatona an'i Jesoa ity lehilahy marary hoditra ka nitalaho taminy sady nandohalika teo anatrehany ka nanao taminy hoe: Raha sitrakao, dia hainao diovina aho. Onena azy i Jesoa ka nanatsotra tanana nikasika azy sady niteny hoe: Sitrako, madiova ianao. Marka 1:40:41 (DIEM) 

• Atoandro

 Sambatra ny olona izay miantra ka mampisambotra; Tsy mba ho resy eo am-pitsarana izy. Fa tsy hangozohozo mandrakizay izy; Hotsarovana mandrakizay ny marina. Tsy mba manahinahy hahare loza izy; Tafatoetra matoky an'i Jehovah ny fony. Salamo 112:5-7

 
 

• Maraina

Raha heloka no mamiko ka tsy nifonako, dia tsy ho nihaino ahy akory ny Tompo. Salamo 66:18 (DIEM)

• Antoandro

Andriamanitra tsy azo vazivazina, fa izay afafin’ ny olona no hojinjany. Galatiana 6 :7b

• Alina

Tsy mahay manompo an'Andriamanitra sy ny harena ianareo. Lioka 16:13b (Katôlika)

• Maraina

Nateraka indray ianareo, tsy tamin'ny voa mety lo, fa tamin'ny voa tsy mety lo: dia ny tenin'Andriamanitra, izay teny velona sady maharitra. 1 Petera 1:23 (DIEM)

• Antoandro

Jehovah no Mpiaro anao; Jehovah no fialofanao eo amin'ny an-kavananao. Salamo 121:5

• Alina

Aza ketraka amin'ny fanaovan-tsoa, fa hijinja amin'ny fotoana isika raha tsy ketraka. Galatianina 6:9 (Katôlika)

• Maraina

Tsy hiova Aho, na dia mandra-pahantitrareo aza; hanohana anareo Aho mandra-pahafotsin'ny volonareo. Izaho no nanao anareo sy nitrotroanareo hatrany; eny, Izaho no hanohana anareo sy hamonjy anareo. Isaia 46:4 (DIEM)

• Antoandro

Koa dia finaritra aho amin’ ny fahalemena, amin’ ny fampahoriana, amin’ ny fahaterena, amin’ ny fanenjehana, amin’ ny fahantrana, noho ny amin’ i Kristy; fa ny fahalemeko no fahatanjahako. 2 Korintiana 12 :10

• Alina

Izao no lazain'ny Tompo: Aoka ny hendry tsy hirehareha amin'ny fahendreny; ny mahery, tsy hirehareha amin'ny heriny; ny manankarena, tsy hirehareha amin'ny hareny. Jeremia 9:22 (Katôlika)

• Maraina

Fa vovo-tany ianao, ka hiverina ho vovo-tany. Genesisy 3:19 (DIEM)

• Antoandro

Esory aminao ny vava mandainga, Ary ampanalaviro anao ny molotra mamitaka. Aoka ny masonao hijery mahitsy, Ary ny hodimasonao hibanjina eo anoloanao. Ohabolana 4:24-25

• Alina

Ny Tompo dia Andriamanitra mitandro hasina sy manafay. Nahoma 1:2a (Katôlika)

• Maraina

Aoka tsy hananan'olon-trosa ianareo. Romanina 13:8 (DIEM)

• Antoandro 

Ary hitan'Andriamanitra izay rehetra nataony, ary, indro, tsara indrindra izany. Genesisy 1:31

• Alina

Tandremo ny tenanareo sy ny ondry rehetra, nanendren'ny Fanahy Masina anareo ho mpitandrina mba hifehezanareo ny Fiangonan'ny Tompo izay novidiny tamin'ny rany. Asa 20:28 (Katôlika)

• Maraina

Aza matahotra na mivadi-po ny amin'io tafika goavana io, fa tsy anareo ny ady, fa Ahy Andriamanitrareo. 2 Tantara 20:15 (DIEM) 

• Antoandro

Sambatra ny noana sy mangetaheta ny fahamarinana; fa izy no hovokisana. Matio 5:6 

• Alina

Ary esory amin'ny ratsy ny tongotrao. Ohabolana 4:27 (Katôlika)

• Maraina

Tsy mba mizaha tavan'olona Andriamanitra. Kolosianina 3:25 (DIEM)

• Antoandro

Hitarika ny jamba amin’ izay lalana tsy fantany Aho; ary amin’ ny lalana tsy fantany no hitondrako azy; Ny maizina dia hataoko mazava eo anoloany, ary ny mikitoantoana halamako tsara; Izany zavatra izany no hataoko aminy ka tsy hamelako. Isaia 42 :16

• Maraina

Na inona na inona ataonareo, dia tontosao amin'ny fo tokoa tahaka ny atao amin'i Jesoa Tompo fa tsy amin'olona. Eny, fantatrareo fa i Jesoa Tompo no handraisanareo ny valiny, dia ny anjara lova natokana ho an'ny vahoakan'Andriamanitra; satria ny tena Tompo Izay tompoinareo, dia i Kristy. Kolosianina 3:23-24 (DIEM)

• Antoandro

Miderà an'i Jehovah, fa tsara Izy; Eny, mandrakizay ny famindram-pony... Tsara ny mialoka amin'i Jehovah noho ny mialoka amin'ny olona. Salamo 118: 1,8

• Alina

Sitrako ny midera Anao amin'ny foko manontolo. Salamo 138:1a (Katôlika)

• Maraina

Fantatro fa taranak'i Abrahama ianareo, kanefa mitady hamono Ahy satria tsy tafalatsaka ao anatinareo ny teniko. Johany 8:37 (DIEM)

• Alina

Ianareo no taratasinay voasoratra ato am-ponay, sady fantatra sy vakîn'ny olon-drehetra. 2 Kôrintianina 3:2 (Katôlika)

• Maraina

Mankanesa aty amiko ianareo rehetra torovana sy vesaran'ny lalana, fa Izaho no hanome fialan-tsasatra anareo. Matio 11:28 (DIEM)

• Antoandro

Tafio avokoa ny fiadian'Andriamanitra, mba hahazoanareo hifahatra amin'ny fanangolen'ny devoly. Fa isika tsy mitolona amin'ny nofo aman-drà, fa amin'ny fanapahana sy amin'ny fanjakana sy amin'ny mpanjakan'izao fahamaizinana izao, dia amin'ny fanahy ratsy eny amin'ny rivotra. Efesiana 6:11-12

• Alina

Aza mialona izay olona mpanao an-keriny, na mifidy izay lalana ombany kely akory. Ohabolana 3:31 (Katôlika)

• Maraina

Andraso ny ondriko. Jaona 21:15-17 (DIEM)

• Alina

Ary hoy i Jesoa taminy: Anaka, ny finoanao no nahavonjy anao. Lioka 8:48a (Katôlika)

• Maraina

Dia reko ny feon'ny TOMPO nanontany hoe:
-Iza no hirahiko, ary iza no hompitondra teninay?
Dia namaly aho hoe: Inty aho, iraho aho. Isaia 6:8 (DIEM)

• Antoandro

Koa amin'izany mangataka aminareo aho, ry rahalahy, noho ny famindram-pon'Andriamanitra, mba hatolotrareo ny tenanareo ho fanatitra velona, masina, sitrak'Andriamanitra, dia fanompoam-panahy mety hataonareo izany. Romana 12:1

• Alina

Koa ankehitriny izao no lazain'ny Tompon'ny Tontolo: Diniho tsara ny lalanareo. Hagay 1:5 (Katôlika)

• Maraina

Hitanondrika ny olona mpiandranandrana, ary hihohoka ny olona mpanandra-tena; fa amin'izany andro izany, dia ny TOMPO irery ihany no hasandratra. Isaia 2:11 (DIEM)

• Antoandro

Izay manana maso miantra hotahina, Satria anomezany ho an'ny malahelo ny haniny. Ohabolana 22:9

• Alina

Fa izay rehetra hiantso ny anaran'ny Tompo no hovonjena. Rômanina 10:13 (Katôlika)

• Maraina

Atsaharo ny fitokiana amin'olombelona fa fofonaina miserana ihany izy ka tsy misy lanjany akory! Isaia 2:22 (DIEM)

• Antoandro

Ento ny ziogako, ka mianara amiko; fa malemy fanahy sady tsy miavona am-po Aho; dia hahita fitsaharana ho an'ny fanahinareo ianareo. Matio 11:29

• Alina

Ny atao hoe mpaniratsira dia izay be rehaka sy feno avona; ka mirehaka mihoa-pampana izy amin'ny ataony. Ohabolana 21:24 (Katôlika)

• Maraina

Na dia ny ranomasimbe aza tsy mahafaty ny afon'ny fitiavana; ary ny ranoben'ireo ony tsy mahasarona azy ho rendrika. Tononkiran'i Salomona 8:7a (DIEM)

• Alina

Aoka ho fantatrareo àry, ry mpiray firenena amiko, fa amin'ny alalan'i Jesoa ihany no itoriana famelan-keloka aminareo. Asa 13:38a (Katôlika)

• Maraina

Ny vokatry ny Fanahy Masina kosa dia fitiavana, hafaliana, fiadanana, faharetana, hamoram-po, hatsaram-po, toetra mahatoky, fahalemem-panahy, fahononam-po. Galatianina 5:22-23 (DIEM)

• Antoandro

Mitsangàna, mihazavà, fa tonga ny fahazavanao, ary ny voninahitr’ i Jehovah efa miposaka aminao. Isaia 60 :1

• Alina 

Mandra-pihaviko, milozoha amin'ny famakiana ny Soratra Masina sy fananarana ary fampianarana.1 Timote 4:13 (Katôlika)

• Maraina

Tao an-katerena aho no velon-taraina sy niantso vonjy tamin'ny TOMPO Andriamanitro, ka tany an-Tempoliny Izy no nandre ny feoko ary koa nihaino izany antsoantsoko.  II SAMOELA 22 :7 (DIEM) 
  

• Alina

Aza tezitra noho ny amin'ny mpanao ratsy, na mitsiriritra ny ny toetr'izay mpanao heloka. Salamo 37:1 (Katôlika)

• Maraina

Fantatry ny Tompo na dia izay miseho any amin'ny toeran'ny maty aza; koa mainka fa ny ao am-pon'ny olona. Ohabolana 15:11 (DIEM)

• Antoandro

Aleo fahendrena toy izay hery; kanjo hamavoina ny fahendren’ny malahelo, ary ny teniny tsy mba henoina.
Ohabolana samy hafa ny amin’ny tsi-fitovian’ny fahendrena sy ny fahadalana, ary ny amin’ny fanaovan-tsoa sy ny fahazotoana ary ny fahamarinana. Ny tenin’ny hendry izay re amin’ny mangingina dia mahery noho ny fitreron’izay mpanapaka adala. Aleo fahendrena toy izay fiadiana; ary ny mpanota iray mahasimba ny soa be. Mpitoriteny 9:16-18

• Alina

Raha soa faniry amin'ity fiainana ity ny harena, inona no harem-be mihoatra noho ny Fahendrena izay mahavita ny zavatra rehetra? Fahendrena 8:5 (KATOLIKA)

• Maraina

Tsy manan-tahotra ny fitiavana; fa ny fitiavana tanteraka mandroaka ny tahotra; fa mampahory ny tahotra. Fa izay matahotra dia tsy mbola tanteraka amin’ ny fitiavana. 1 Jaona 4:18

• Antoandro

Tsy manan-tahotra ny fitiavana; fa ny fitiavana tanteraka mandroaka ny tahotra; fa mampahory ny tahotra. Fa izay matahotra dia tsy mbola tanteraka amin’ ny fitiavana. 1 Jaona 4:18

•  Alina

Ho avy ny andro handravana ireo zavatra rehetra hitanareo ireo, ka tsy havela hisy vato mifanongoa eo izay tsy horavana. Lioka 21:6 (Katôlika)

• Maraina

Tamin'ny voalohany, fony nahary an'izao tontolo izao Andriamanitra, dia efa nisy ilay Teny; ilay Teny dia nitodika tany amin'Andriamanitra hatrany, ary ilay Teny dia Andriamanitra. Johany 1:1 (DIEM)

• Antoandro

Fa fantatsika fa raha ravana ny trano-laintsika etỳ an-tany, dia manana izay voarafitr'Andriamanitra isika, dia trano tsy nataon-tanana izay maharitra mandrakizay any an-danitra. 1 Korintiana 5:1 

• Alina

Tompo ô, ataovy firenena miadam-pinaritra izahay. Salamo 126:4a (Katôlika)

• Maraina

 Itafio avokoa ny fiadiana omen'Andriamanitra, mba hahazoanareo hamahatra tsara eo anatrehan'ireo tetika afitsoky ny devoly: "ny marina no ataovy toy ny etra fehikibonareo; ny rariny no tafio ho toy ny fiarovan-tratra; ny fahavononan-kitory ny Vaovao Mahafaly mampihavana no ataovy toy ny kiraro eny an-tongotrareo; tano lalandava ny finoana ho toy ny ampinga hahazoanareo mamono ny zanatsipika mirehitra rehetra alefan'ilay Ratsy; raiso ny famonjena ho toy ny fiarovan-doha, ary raiso ny tenin'Andriamanitra ho toy ny sabatra omen'ny Fanahy Masina". Efesianina 6:11-17 (DIEM)

 

• Antoandro

Aza matahotra, minoa fotsiny ihany. Marka 5:36 b 

• Alina

Fa tokana Andriamanitra, tokana koa ny Mpanalalana amin'Andriamanitra sy ny olombelona, dia i Kristy Jesoa tonga olombelona. 1 Timote 2:5 (Katôlika)
 

• Maraina

Loza! firenena mpanota ianao; vahoaka mivesatra heloka ianareo, solofon'ny mpanao ratsy, taranaka lomorina! Nilaozanareo ny TOMPO, nataonareo tsinontsinona ilay Masin'i Israely, fa niamboho Azy ianareo. Aiza indray ary no tianareo hikapohana anareo no mbola mikiry amin'ny ditranareo ihany ianareo? Efa feno ratra avokoa ny loha, ary marary ny fo manontolo. Isaia 1:4-5 (DIEM)

• Antoandro

Ny fahasoavana anie ho amin'izay rehetra tia an'i Jesosy Kristy Tompontsika amin'ny fitiavana tsy mety levona. Efesiana 6:24

• Alina

Satria rahefa mahalala ny marina isika no minia manota indray, dia tsy misy sorona hanalana ota intsony; fa dia fiandrasana mahatsiravina ny fitsarana sy hatezeran'ny afo handevona ny mpikomy no sisa.Hebrio 10:26-27 (Katôlika)

• Maraina

Tsy misy mpanompo mahay manompo tompo roa; fa ny anankiray ho halany, ary anankiray ho tiany; na ny anankiray hombany, ary ny anankiray hohamavoiny. Tsy mahay manompo an'Andriamanitra sy mamôna ianareo. Lioka 16:13 

• Antoandro 

Efa madio ianareo izao noho ny fampianarana nataoko taminareo. Mitomoera ato amiko, ary Izaho hitoetra ao aminareo.Joany 15:3-4a (Katôlika)

• Alina

Fa raha miaiky ny fahotantsika isika, dia mitana ny toky nomeny Andriamanitra sady miantra, ka hamela ny fahotantsika sy hanadio antsika ho afaka amin'ny ratsy isan-karazany. 1 Johany 1:9 (DIEM)

• Maraina

Jereo ange ny voro-manidina: tsy mamafy na mijinja na manangona an-tsompitra manko izy ireny, kanefa fahanan'ny Rainareo Izay any an-danitra. Moa tsy sarobidy lavitra noho ireny ve ianareo? Matio 6:26 (DIEM)

• Antoandro

 Fa izao no lazain'i Jehovah amin'ny taranak'Isiraely; Tadiavo Aho, dia ho velona ianareo. Amosa 5: 4

• Alina

Ary lazaiko aminareo, fa amin'ny andro fitsarana, dia hampamoahina ny olona amin'izay teny foana rehetra nolazainy. Matio 12:36 (Katôlika)

• Maraina

Ampy ho anao ny fahasoavako. 2 Korintianina 12:9 (DIEM)

• Antoandro

Fony aho nanao hoe: Mangozohozo ny tongotro, Dia ny famindramponao,
Jehovah ô, no nanohana ahy. Raha be ny ahiahy ato anatiko Dia mampifaly ny fanahiko ny fampiononanao. Salamo 94 :18-19

• Alina

Voazaha toetra tamin'ny afo avokoa ny tenin'Andriaman
itra; apinga ho an'izay mialoka aminy izy. Ohabolana 30:5 (Katôlika)

• Maraina

 Omeo tokoa izy ary aoka tsy halahelo ny fonareo raha manome azy, satria IZANY FAHALALAHAN-TANANAREO IZANY NO HITAHIAN'NY TOMPO ANDRIAMANITRAREO ANAREO AMIN'NY ASA AMAN-DRAHARAHA REHETRA ATAONAREO. Koa satria hisy mandrakariva ny mahantra eo amin'ny taninareo, dia izany no andidiako anareo hoe: SOKAFY TSARA AMIN'NY MPIRAY FIRENENA AMINAREO NY TANANAREO, DIA AMIN'NY ORY SY MAHANTRA EO AMIN'NY TANINAREO. Deoteronomy 15:10-11 (DIEM)

• Antoandro

Ary aza mba ketraka amin’ ny fanaovan-tsoa isika; fa amin’ny fotoan’andro no hijinjantsika, raha tsy reraka isika. Galatiana 6:9 

• Alina

Aza milaza hoe: Izay nataony tamiko no hataoko aminy; hovaliako araka ny nafitsony avy ny isam-batan'olona. Ohabolana 24:29 (Katôlika)

• Maraina

Koa raha ianareo, na dia ratsy aza, mahalala manome zava-tsoa ny zanakareo, mainka fa ny Rainareo Izay any an-danitra no hanome zava-tsoa ho an'izay mangataka aminy! Matio 7:11 (DIEM)

• Antoandro 

Mifampitondrà izay mahavesatra, ary aoka izany no hahatanterahanareo ny lalàn’ i Kristy.  Galatiana 6:2

• Alina

 Eny, fahoriana aman-tebiteby no ho an'izay manao ratsy, dia ho an'ny Jiosy aloha, vao ho an'ny hafa firenena koa. Rômanina 2:9 (Katôlika)

• Maraina

 Manana ondry hafa izay tsy avy amin'ity vala ity aho; ireny koa dia tsy maintsy tarihiko, ka hihaino ny feoko ary ho tonga andiany tokana entin'ny mpiandry tokana.  Johany 10:16 (DIEM)

• Antoandro

Anaka, ny finoanao no nahasitrana anao: mandehana soa aman-tsara, ary sitràna amin’ ny aretinao. Marka 5 :34 

• Alina

 Koa fantaro ary fa sady mora fo Andriamanitra no sarotiny koa. Romanina 11:22 (Katôlika)

• Maraina

 "Eny, mamy toy ny tantely avy amin'ny tohotra ny firesaky ny vehivavy ratsy fitondrantena; ary malama noho ny menaka aza ny fiteniny. Nefa ny farany mafaitra toy ny hazo mangidy ary mandratra hoatra ny sabatra roa lela. Fa midina ho amin'ny fahafatesana ny fizotran'izany vehivavy izany; ary miafara any amin'ny toeran'ny maty ny diany" Ohabolana 5:3-5 (DIEM)

• Antoandro

 "Ampy ho anao ny fahasoavako; fa ny heriko. dia tanterahina amin'ny fahalemena. Koa mainka sitrako ny hirehareha amin'ny fahalemeko, mba hitoeran'ny herin'i Kristy amiko." 2 Korintiana 12:9

• Alina

"Ray ô, hohamasinina anie ny Anaranao, Ho tonga anie ny fanjakanao." Lioka 11:2b (Katôlika)

• Maraina

 Sambatra izay olona nahita ny fahendrena sy izay olona nahazo ny fahaiza-manavak

a. Fa ny fananana azy dia tsara noho ny fananana volafotsy ary ny tombontsoany dia mihoatra noho ny volamena. Sarobidy noho ny voahangy ny fahendrena; ary izay rehetra azo irina dia tsy misy mitovy aminy". Ohabolana 3:13-15 (DIEM)

• Antoandro

Ary nandà tsy nety nanaraka izany izy sady tsy nahatsiaro ny fahagagana izay nataonao teo aminy; fa nanamafy ny hatony izy ka niodina, dia nanendry mpitarika mba hiverenany ho any amin’ ny fahandevozany; fa ANDRIAMANITRY NY FAMELAN-KELOKA HIANAO ka miantra sy mamindra fo, mahari-po sady be famindrampo, ka dia tsy nahafoy azy. Nehemia 9 :17

• Alina

Hain'Andriamanitra fenoina ny fahasoavana rehetra ianareo, ka sady hanana ny ampy mandrakariva amin'ny zavatra rehetra ilainareo no hanana amby ampy aza hoentinareo mitombo amin'ny asa soa isan-karazany. 2Kôrintianina 9:8 (Katôlika)

• Maraina

Ataovy reko ny famelanao, dia hifaly sy hiravo indray aho; ary aoka hibitaka ny taolako izay efa voamontsamontsanao. Hadinoy tanteraka ny fahotako ary koseho avokoa ny heloka vitako. Amorony fo madio aho, Andriamanitra o, fanahy mahatoky no aoreno ato anatiko. Salamo 51:10-12 (DIEM) 

• Antoandro

 Fa raha mitady hohamarinina ao amin'i Kristy isika, nefa ny tenantsika no hita fa mpanota, moa mpanompo ny ota va Kristy? Sanatria izany! Galatiana 2:17

• Alina

 Tsy maintsy hiala amin'ny fitondrantenanareo taloha ianareo, ka hamela ny olon-tranainy efa simban'ny fitaky ny filàn-dratsy, mba havaozina ao amin'ny saina am-panahinareo ianareo. Efezianina 4:22-23 (Katôlika)

• Maraina

 "Tsy mba hazo tsara no hamoa voa ratsy, na hazo ratsy indray no hamoa voa tsara. Eny, ny voany no ahafantarana ny hazo isan-karazany; fa foto-tsilo tsy ahazoana voanaviavy, ary foto-droy tsy iotazana voaloboka. Koa ny olona tsara fanahy dia mamoaka zavatra tsara avy amin'ny rakitra tsaran'ny fony; ary ny olona ratsy fanahy kosa mamoaka zavatra ratsy avy amin'ny rakitra ratsin'ny fony. Fa izay mameno ny fon'ny olona no aloaky ny vavany". Lioka 6:43-45 (DIEM)

• Antoandro

 “Mazotoa, fa aza malaina, ary aoka hafana fo amin’ ny fanompoana ny Tompo” Romana 12:11

• Alina

"Aleloia! Sambatra ny olona matahotra ny Tompo, izay mankamamy fatratra amin'ny didiny." Salamo 112:1 (Katôlika)

• Maraina

 "Momba izay rehetra mitady Azy ny fiarovan'Andriamanitray, fa ny fahatezerany kosa hamely mafy izay rehetra mahafoy Azy". Hezra 8:22 (DIEM)

• Antoandro

"Endrey ny hamamin'ny teninao, raha andramako! Mihoatra noho ny tantely ato am-bavako aza!" Salamo 119:103 

• Alina

"Ary rahefa mivavaka ianareo, dia aza mba maro teny tahaka ny mpanompo sampy, fa atao ho ny hamaroan'ny teniny no hihainoana azy." Matio 6:7 (Katôlika)

• Maraina

 "Ry hava-malala, aza mino izay rehetra milaza hoe manana ny Fanahy Masina, fa zahao toetra ireo hahafantarana raha toa ny Fanahy Masina avy amin'Andriamanitra no manentana azy; satria maro ny mpaminany sandoka eran'izao tontolo izao". 1 Johany 4:1 (DIEM)

• Antoandro

 "Ary na inona na inona no ataonareo, dia ataovy amin'ny fo, tahaka ny ho an'ny Tompo, fa tsy ho an'olona, satria fantatrareo fa ny Tompo no handraisanareo ny lova ho valiny; fa manompo an'i Kristy Tompo ianareo". Kolosiana 3:23-24 

• Alina

 "Indro very kosa izay manalavitra Anao; aringanao avokoa izay mivadika aminao." Salamo 73:27 (Katôlika)

• Maraina

  "Ny fanajana ny TOMPO no loharanom-pahendrena". Salamo111:10 (DIEM)

• Antoandro

"Ao ihany ny volamena sy ny voahangy betsaka; Fa ny molotra misy fahalalana no ravaka soa." Ohabolana 23:15 

• Alina

 "Raha mitoetra ao anatin'ny teniko ianareo dia ho mpianatro marina, sady ho fantatrareo ny marina, ary ny marina no haha-olona afaka anareo." Joany 8:31b-32 (Katôlika)

Aim-panahy Isan'andro

• Maraina

"Indro Andriamanitra namonjy ahy, matoky Azy aho ka tsy mangovitra intsony. Ny TOMPO no heriko sy fiderako, fa Izy no mpamonjy ahy".ISAIA 12:2 (DIEM)

• Antoandro 

"Ka dia manana izay hataoko rehareha ao amin'i Kristy Jesosy aho noho ny amin'Andriamanitra. Fa tsy sahiko lazaina izay zavatra tsy nampanaovin'i Kristy ahy, na tamin'ny teny, na tamin'ny asa, mba hampanaiky ny jentilisa," Romana 15:17-18 

• Alina

 "Ary hoy i Jesoa taminy: Tsy efa voalazako taminao ve fa raha mino ianao dia hahita ny voninahitr'Andriamanitra?"  Joany 11:40 (Katôlika)

Aim-panahy isan'andro

• Maraina

Itafio avokoa ny fiadiana omen'Andriamanitra, mba hahazoanareo hamahatra tsara eo anatrehan'ireo tetika afitsoky ny devoly. Tsy olombelona nofo aman-dra tsy akory no ifanandrinantsika, fa ireo fanahy ratsy eny ana habakabaka: dia ireo fanapahana, ireo fahefana, ireo hery mifehy ny sehatry ny haizina. EFESIANINA 6:11-12 (DIEM)

• Antoandro

Fa raha mamela ny fahadisoan'ny olona ianareo, dia mba hamela ny anareo kosa ny Rainareo Izay any an-danitra. MATIO 6:14

• Alina

Aza miantehitra amin-kavana, ary aza mitoky amin-tsakaiza; na eo anatrehan'ny vady fihininao aza, dia tandremo ny teny aloaky ny vavanao! MIKEA 7:5 (KATÔLIKA)

Aim-panahy isan'andro

• Maraina

Ny lalana manontolo dia tanteraka amin'ny didy tokana hoe: Tiavo ny namanao tahaka ny itiavanao ny tenanao! GALATIANINA 5:14 (DIEM)

• Antoandro

Avy amin'i Jehovah no mahalavorary ny dian'ny olona, ka Izy no mankasitraka ny lalany. Na dia lavo aza izy, tsy dia mikarapoka, fa Jehovah no mitantana azy. SALAMO 37:23-24

• Alina

Ny fihavanana sy fifamporisihana ho tsara àry no aoka hokatsahintsika. RÔMANINA 14:18 (KATÔLIKA)

Aim-panahy isan'andro

• Maraina

TOMPO o, nandinika ahy Ianao ka fantatrao avokoa ny momba ahy. Mahagaga loatra amiko ny fahalalanao ahy; avo tokoa izany, ka tsy takatro velively. SALAMO 139:1-16 (DIEM)

• Antoandro

Tsara Jehovah amin'izay manantena Azy, dia amin'ny olona izay mitady Azy. FITOMANIANA 3:25

• Alina

Fa Izaho Tompo dia tia ny rariny, halako ny fandrobana mbamin'ny tsy fahamarinana. IZAIA 61:8A (KATÔLIKA)