Tsy misy mpanompo mahay manompo tompo roa; fa ny anankiray ho halany, ary anankiray ho tiany; na ny anankiray hombany, ary ny anankiray hohamavoiny. Tsy mahay manompo an'Andriamanitra sy mamôna ianareo. Lioka 16:13
Efa madio ianareo izao noho ny fampianarana nataoko taminareo. Mitomoera ato amiko, ary Izaho hitoetra ao aminareo.Joany 15:3-4a (Katôlika)
Fa raha miaiky ny fahotantsika isika, dia mitana ny toky nomeny Andriamanitra sady miantra, ka hamela ny fahotantsika sy hanadio antsika ho afaka amin'ny ratsy isan-karazany. 1 Johany 1:9 (DIEM)
