Raha misy alaim-panahy, aoka izy tsy hanao
hoe: Andriamanitra no maka fanahy ahy; satria tsy mba mety alaim-panahy
hanao ratsy Andriamanitra sady tsy mba maka fanahy olona. Fa samy
alaim-panahy ny olona, rehefa mitaona azy sy mitady hamandrika azy ny
filandratsiny. Jakoba 1:13-14 (DIEM)
Raha misy olona ta-hanaraka Ahy, aoka izy handà ny tenany sy hitondra ny hazo fijaliany ka hanaraka Ahy. Matio 16:24
Eny, harem-be tokoa ny fitiavam-bavaka, ho an'ny olona mahay mianina amin'izay ananany. 1 Timôte 6:6 (Katôlika)
Arovy tsy ho voan'ny ota iniana aho, ka aza
avela hanan-kery amiko ireny; dia tsy hanan-tsiny tokoa aho sady ho
afaka amin'ny heloka bevava. Salamo 19:14 (DIEM)
Izay tia vola, tsy mety vokim-bola;
ary izay tia harena, tsy hahazo vokatry ny tany. Zava-poana koa izany.
Amin'ny toerana be harena, dia maro ny mpihinana azy ary inona moa no
soa azon'ny tompony amin'izany, afa-tsy ny mahita maso izany hareny
izany? Kôhelety 5:9-10 (Katôlika)
Iray ny Tompo, iray ny finoana, iray ny
batisa; iray Andriamanitra sady Rain'ny kristianina rehetra, manjaka
amin'izy rehetra, miasa amin'ny alalan'izy rehetra ary mitoetra ao
amin'izy rehetra. Efesianina 4:5-6 (DIEM)
Miaraha miaritra ny mafy amiko ianao tahaka ny
miaramila tsaran'i Kristy Jesosy. Ny miaramila manafika dia tsy mba misy
maningo-tena amin'ny raharahan'izao fiainana izao. mba hahafaly izay
efa nifidy azy ho miaramila. Ary raha misy manezaka amin'ny filalaovana,
dia tsy satrohana satro-boninahitra izy, raha tsy manezaka araka ny lalàna. 2 Timoty 2:3-5
Ary hoy Izy tamin'ny olona: tandremo tsara sao ho azon'ny fitiavan-karena ianareo, fa ny ain'ny olona tsy miankina amin'ny habetsahan'izay ananany. Lioka 12:15 (Katôlika)
Aza maka zavatr'olona an-keriny na am-pitaka, fa aoka ianareo ho afa-po amin'ny karamanareo. Lioka 3:14 (DIEM)
Fa hoy Jesosy taminy: Tsy misy olona mitana fangady tarihina ary miherika ka miendrika ho ao amin'ny fanjakan'Andriamanitra. Lioka 9:62
Fa Izaho Tompo Andriamanitrareo,
dia Andriamanitra fatra-pitandro hasina, ka mamaly ny ny heloky ny ray
amin'ny zanaka, hatramin'ny taranaka fahatelo sy fahefatra, amin'izay
mankahala Ahy; fa mamindra fo amin'ny taranaka arivo mifandimby kosa,
amin'izay tia Ahy sy mitandrina ny didiko. Deôterônômy 5:9b-10 (Katôlika)
Eny, fahasoavan'Andriamanitra no namonjena anareo, tamin'ny alalan'ny finoana! Ary tsy avy aminareo izany famonjena izany, fa fanomezan'Andriamanitra; tsy vokatry ny ezaka vita, fandrao hisy hirehareha. Efesianina 2:8-9 (DIEM)
Fa Andriamanitra tsy niantso antsika ho
amin'ny fahalotoana, fa amin'ny fahamasinana. Koa izay mandà, dia tsy
olona no laviny, fa Andriamanitra, Izay manome anareo ny Fanahiny
Masina. 1 Tesaloniana 4:7-8
Fa izay tian'ny Tompo no faiziny, toy ny ataon'ny ray amin'ny zanaka malalany. Ohabolana 3:12 (Katôlika)
Aoka hiray saina sy hiray fo ianareo rehetra:
mifankatiava toy ny mpiray tampo, mahaiza mifangoraka, manetre tena. 1 Petera 3:8 (DIEM)
Tiava ny fahavalonareo; manaova soa amin'izay
mankahala anareo; misaora izay manozona anareo, ary mivavaha ho an'izay
manisy ratsy anareo. Lioka 6:27-28
Ry Tompo o, Andriamanitro Ianao; hankalaza
Anao aho, hidera ny anaranao, satria Ianao efa nahavita zava-mahagaga
izay efa voakasanao hatry ny elabe ka sady azo itokiana no mafy orina. Izaia 25:1 (Katolika)
Fa ny olona ratsy fanahy dia vao mainka
hiharatsy hatrany. Ianao kosa, mahareta tsara amin'izay nianaranao sy
nekenao tokoa; satria fantatrao ireo olona nampianatra anao izany. 2 Timoty 3:13-14 (DIEM)
Sambatra ny malahelo am-panahy; fa azy ny fanjakan'ny lanitra. Matio 5:3
Ka aoka ho ao aminareo ny
fahatahorana ny Tompo, ary tandremo ny asanareo; fa ao amin'ny Tompo
Andriamanintsika, tsy mba misy tsy fahamarinana na fizahan-tavan'olona na fandraisana kolikoly. 2Tantara 19:7 (Katolika)
Sambatra ny olona izay maharitra ny fitsapana; fa rehefa voasedran'izany izy, dia ny fiainana efa nampanantenain'Andriamanitra ireo tia Azy no horaisiny ho satroboninahi-pandresena. Jakoba 1:12 (DIEM)
Ary ho an'izay mahay manao mihoatra noho ny
zavatra rehetra, eny, mihoatra lavitra noho izay rehetra angatahintsika
na heverintsika aza, araka ny hery izay miasa ato amintsika, ho Azy anie
ny voninahitra ao amin'ny fiangonana sy ao amin'i Kristy Jesosy
hatramin'ny taranaka farany indrindra mandrakizay mandrakizay. Amena. Efesiana 3:20-21
Koa aza matahotra olona ianareo. Fa tsy misy takona izay tsy haseho, na miafina izay tsy ho fantatra. Matio 10:26 (Katolika)
Tsy nisy fakampanahy nianjady
taminareo afa-tsy izay mpahazo ny olombelona. Fa mitana ny toky nomeny
Andriamanitra ka tsy hamela anareo halaim-panahy mihoatra noho izay
zakan'ny herinareo. Rehefa ianjadian'ny fakampanahy kosa ianareo, dia
homeny hery hahazakanareo sy homeny lalana hahafahanareo. 1 Korintianina 10:13 (DIEM)
Ka dia maneke an'Andriamanitra ianareo, ary manohera ny devoly, dia handositra anareo izy. Jakoba 4:7
Aza mifaly raha lavo ny
fahavalonao; ary aza miravoravo fo amin'ny faharavàny, fandrao hitan'ny
Tompo izany, ka ratsy eo imasony. Ohabolana 24:17-18a (Katôlika)
Ny Tompo no mpanampy ahy, ka tsy hatahotra aho. Inona no ho azon'olona atao amiko? Hebreo 13:6 (DIEM)
Indro, miantsinanana aho, fa tsy any Izy; Ary miankandrefana aho, fa tsy hitako Izy; Mianavaratra amin'izay iasany aho, fa tsy tazako Izy; Mivily any atsimo Izy, ka tsy hitako. Fa mahalala ny lalana falehako Izy; Raha hizahany toetra aho, dia hivoaka tahaka ny volamena. Joba 23:8-10
Izaho kosa hifantoka amin'ny Tompo, hanantena an'Andriamanitra mpamonjy ahy; hihaino vavaka ahy ilay Andriamanitro. Mikea 7:7 (Katolika)
Raha i Mosesy sy ny mpaminany tsy henoiny, dia
tsy hiaiky izy na misy olona mitsangana velona avy any amin'ny maty
aza. Lioka 16:31 (DIEM)
Fa mahitsy ny tenin'i Jehovah, ary ny asany
rehetra dia mahatoky avokoa. Tia fahamarinana sy rariny Izy; henika ny
famindram-pon'i Jehovah ny tany. Salamo 33:4-5
Hitombo ao aminareo hatrany hatrany anie ny famindrampo sy ny fiadanana ary ny fitiavana! Jodà 1:2 (Katôlika)
Aoka hiray amiko hatrany ianareo toy ny
iraisako aminareo. Ny sampana tsy afa-mamokatra ho azy raha tsy miray
amin'ny voaloboka hatrany; dia toy izany koa ianareo: tsy afa-mamokatra,
raha tsy miray amiko hatrany. Johany 15:4 (DIEM)
Farany, ry rahalahy, na inona na inona marina,
na inona na inona manan-kaja, na inona na inona mahitsy, na inona na
inona madio, na inona na inona maha-te-ho-tia, na inona na inona tsara laza, raha misy hatsaram-panahy, ary raha misy dera, dia hevero izany. Filipiana 4:8
Ianao mino fa misy Andriamanitra iray, tsara ny ataonao; ny demony koa anefa mino izany, ka mangovitra. Jakôba 2:19 (Katôlika)
Na dia efa fantatrareo aza ny zavatra rehetra, dia tiako hampahatsiarovina
anareo ireto: rehefa novonjen'ny Tompo tanteraka ho afaka tany Ejipta
ny vahokany, dia naringany ihany taty aoriana izay tsy nino. Toy izany
koa ny mponina tao Sodoma sy Gomora mbamin'ireo tanana manodidina: nanao
fitondrantena maloto izy ireo ary lasa nivarilavo amin'ny zavatra tsy
tokony hatao, ka raiso ho fananarana satria afo maharitra mandrakizay no
sazy mihatra aminy. Joda 1:5-7 (DIEM)
Ny fahendren'ny olona manindry ny fahatezerany, Ary voninahitra ho azy ny tsy mamaly fahadisoana. Ohabolana 19:11
Satria tsy fanahy kanosa no nomen'Andriamanitra antsika, fa fanahy mahery sy be fitiavana ary mahonon-tena. 2Timote 1:7 (Katôlika)
Halaviro daholo ny zava-dratsy isan-karazany. 1 Tesalonianina 5:22 (DIEM)
Mifalia amin'ny fanantenana; miareta amin'ny fahoriana; mahareta amin'ny fivavahana. Romana 12:12
Fa toy izao no nandidian'ny Tompo
anay: Efa natsangako ho fahazavan'ny hafa firenena ianao, mba hitondra
famonjena hatramin'ny faravazan-tany. Asa 13:47 (Katolika)
Tsy misy madio na inona na inona
amin'ny olona voaloto sady tsy mino, satria samy efa voaloto na ny sainy
na ny fieritreretany. Miaiky izy fa mahalala an'Andriamanitra, nefa manda Azy amin'ny ataony; ka olona mpanimbazimba sady tsy mba manoa ary tsy mahavita asa soa na inona na inona. Tito 1:15-16 (DIEM)
Jehovah dia lavitra ny ratsy fanahy; Fa ny fivavaky ny mrina no henoiny. Ohabolana 15:29
Fa izao ihany e: manaova fitondrantena mendrika ny Vaovao Mahafaly. Filipianina 1:27a (Katolika)
Mpampianatra o, inona no didy lehibe indrindra ao amin'ny lalana? Dia hoy i Jesoa taminy: Tiavo ny Tompo Andriamanitrao amin'ny fonao manontolo, amin'ny
fanahinao manontolo, ary amin'ny sainao manontolo. Izany no didy lehibe
indrindra sady voalohany. Ary ny faharoa, izay tahaka ny voalohany ihany, dia izao: Tiavo ny namanao tahaka ny itiavanao ny tenanao. Matio 22:36-40 (DIEM)
Izaho no Alfa sy Omega, hoy ny Tompo Andriamanitra, Ilay ankehitriny sy taloha ary ho avy, dia ny Tsitoha. Apokalypsy 1:8
Ary raha mandeha ianareo, mitoria hoe: Efa akaiky ny fanjakan'ny lanitra. Matio 10:7 (Katôlika)
An'ny malalako aho ary ahy ny malalako. Tononkiran'i Solomona 6:3 (DIEM)
Koa amin'izany manetre tena ambanin'ny tàna-maherin'Andriamanitra, mba hanandratany anareo amin'ny fotoan'andro.n 1 Petera 5:6
Fa maro no nantsoina, nefa vitsy no fidina. Matio 22:14 (Katôlika)
