Fa mitomboa fahasoavana sy fahalalana an'i Jesoa Kristy Tompotsika sy Mpamonjy antsika. 2 Petera 3:18 (DIEM)
Hankalazaina anie ny Anaran'Andriamanitra hatrizay hatrizay ka ho mandrakizay fa Azy ny fahendrena sy ny hery. Daniela 2:20 (Katôlika)
Ny teniko dia toy ny afo mandoro, ary toy ny
kanonta manorotoro vatolampy, hoy ny teny hentitra avy amiko Tompo. Jeremia 23:29 (DIEM)
Matokia an'i Jehovah mandrakizay, fa Jehovah Tompo no Vatolampy mandrakizay. Isaia 26:4
Mandehana, hoy i Jesoa, fa ny finoanao no
nahavonjy anao. Dia nahiratra niaraka tamin'izay izy, ka nanaraka Azy
teny an-dalana. Marka 10:52 (Katolika)
Ny ady tsara no efa vitako, tratrako ny tanjon'ny fihazakazahana, voatanako ny finoana. 2 Timoty 4:7 (DIEM)
Fa ny adala amin'izao tontolo izao no nofidin'Andriamanitra hampahamenatra ny hendry; ary ny malemy amin'izao tontolo izao no nofidin'Andriamanitra hampahamenatra ny mahery. 1 Korintiana 1:27
Izy manko no mpamorona ny tendrombohitra sy mpahary ny rivotra; Izy no mampahafantatra
amin'ny olombelona ireo fikasàny, Izy no mahatonga ny maraina ho
haizina, sady mandia ny faratampon'ny tany. Ny Tompo Andriamanitry ny
tontolo no anarany. Amosa 4:13 (Katolika)
Maraina
Aoka ny fihavanana no hifamatoranareo, dia hazoto mitana ny firaisana avy amin'ny Fanahy Masina ianareo. Efesianina 4:3 (DIEM)
Atoandro
Manoatra noho ny mpandresy isika amin'ny alalan'ilay tia antsika. Romana 8:37
Alina
Afikiro amin'ny fampanantenànao ny diako, ary aza avela hisy haratsiana hanjaka ato amiko. Salamo 119:133 (Katolika)
Raha misy mandre ny teniko ka tsy mitandrina
ireny, dia tsy manameloka azy Aho; satria tsy hanameloka an'izao tontolo
izao no nahatongavako, fa hamonjy an'izao tontolo izao. Johany 12:47 (DIEM)
Mangataha, dia homena ianareo; mitadiava, dia hahita ianareo; dondony, dia hovohana ianareo. Matio 7:7
Koa aza matahotra olona ianareo. Fa tsy misy takona izay tsy haseho, na miafina izay tsy ho fantatra. Matio 10:26 (Katolika)
Raha mitandrina ireo didiko ianareo, dia
hitoetra ao amin'izany fitiavako anareo izany, tahaka ny nitandremako
ireo didin'ny Raiko sy itoerako ao amin'ny fitiavana Ahy. Izany no
voalazako taminareo, dia mba ho ao aminareo ny hafaliako ary mba ho feno
ny hafalianareo. Johany 15:10-11 (DIEM)
Fa mahasoa kely ihany ny fampiasana ny tena; fa ny toe-panahy araka an'Andriamanitra no mahasoa amin'ny zavatra rehetra ka manana ny teny fikasana ny amin'ny fiainana ankehitriny sy ny ho avy koa. 1 Timoty 4:8
Koa ihavano sy ifankazaro Andriamanitra, fa izany no hiverenan'ny hasambarana aminao. Joba 22:21 (Katolika)
Fony mbola zaza aho, dia niteny toy
ny zaza, nihevitra toy ny zaza, nisaina toy ny zaza; rehefa tonga
olondehibe aho, dia nariako avokoa ny fanaon-jaza. 1 Korintianina 13:11 (DIEM)
Fa velona sy mahery ny tenin'Andriamanitra
ka maranitra noho ny sabatra roa lela, ka manindrona hatramin'ny
fampisarahana ny aina sy ny fanahy ary ny tonona sy ny tsoka, ka mahay
mamantatra ny eritreritra sy ny fisainan'ny fo. Hebreo 4:12
Lehibe tokoa manko ny famindram-pon'ilay Andriamanintsika
fa Masoandro avy any ambony no hamangy antsika, mba hanilo izay rehetra
mitoetra ao amin'ny maizina sy aloky ny fahafatesana, ka hitarika ny
diantsika ho amin'ny lalam-piadanana. Lioka 1:78-79 (Katolika)
Matoky aho fa tsy hisy hahasaraka antsika amin'ny fitiavana asehon'Andriamanitra
antsika; eny, na ny fahafatesana, na fiainana, na anjely, na ireo
fanapahana na ireo hery eny ana habakabaka, na zavatra ankehitriny na
zavatra ho avy, na zavaboaary inona, dia tsy hisy hahasaraka antsika
amin'ny fitiavana asehon'Andriamanitra antsika ao amin'i Kristy Jesoa Tompontsika. Romanina 8:38-39 (DIEM)
Aza manao anao ho hendry; Matahora an'i Jehovah, ka mifadia ny ratsy. Dia ho famelombelomana ny nofonao izany Sy ho fanamandoana ny taolanao. Ohabolana 3:7-8
Ilay Tompo Andriamanitrareo no araho, Izy no atahory; ny didiny no tandremo, ny feony no ekeo; Izy no tompoy ary Izy no ifikiro. Deoteronony 13:5 (Katolika)
TOMPO o, todiho aho ka iantrao fa irery
sady fadiranovana. Toneo ny tebitebin'ny foko ary tsoahy avy ato
an-katerena aho. Jereo ny fahoriako sy ny fijaliako, ka avelao ny
fahotako rehetra. Salamo 25:16-18 (DIEM)
Aza samy mihevitra ny azy ihany, fa samy ny an'ny namany koa. Filipiana 2:4
Ary ankehitriny, inona no
andrasanao? Mitsangàna raiso ny batemy, ary midiova ho afa-pahotana,
amin'ny fiantsoana ny Anaran'i Jesoa. Asan'ny Apostoly 22:16 (Katolika)
Tsy ho hadinoiko mandrakizay ny fepetranao izay namelomanao ny aiko. Salamo 119 :93 (DIEM)
Izay mirehareha, aoka Jehovah no ho reharehany. 1 Korintiana 1:31
Dia hoy indray i Jesoa taminy:
Sarotra, anaka, ny hidiran'izay miankina amin'ny harena amin'ny
fanjakàn'Andriamanitra. Marka 10:24b (Katolika)
Fitiavana mandrakizay no itiavako anao ka famindrampo no itaomako anao hanatona Ahy. Jeremia 31:3 (DIEM)
Miderà an'i Jehovah, miantsoa ny anarany;
Ampahafantaro ny firenena ny asany. Ataovy ho reharehanareo ny anarany
masina; Aoka hifaly ny fon'izay mitady an'i Jehovah. 1 Tantara 16:8, 10
Ary raha tsy mahatoky amin'izay tsy anareo ianareo, iza no hanome anareo izay anareo? Lioka 16:12 (Katôlika)
Ho fafazako rano madio ianareo,
dia hadio; eny, hodioviko ho afaka amin'ny fahalotoanareo rehetra sy ny
fanompoan-tsampinareo
rehetra ianareo. Homeko fo vaovao ianareo ary fanahy vaovao no hataoko
ao anatinareo. Ho esoriko aminareo ny fo tsy miraika toy ny vatoka
hosoloiko fo mora anarina. Ny Fanahiko mihitsy no hapetrako ao
anatinareo, ka hataoko manaraka ny lalanako ianareo, ary hitandrina sy
hanatanteraka ny fitsipiko. Ezekiela 36:25-27 (DIEM)
Ary tsy ketraka izahay; fa na dia mihalevona
aza ny toetray ivelany, dia havaozina isan'andro isan'andro kosa ny
toetray anatiny. 2 Korintiana 4:16
Fa izay rehetra manao ratsy dia tsy tia ny
fahazavana, ka tsy manatona ny fahazavana sao hita miharihary ny asany. Joany 3:20 (Katôlika)
Maty hamonjy ny ratsy fanahy i Kristy. Romanina 5:6 (DIEM)
Diniho ny tenanareo, na mitoetra amin'ny
finoana ianareo, na tsia; izahao toetra ny tenanareo. Moa tsy
fantatrareo va ny amin'ny tenanareo, fa ao anatinareo Jesosy Kristy,
raha tsy olona nolavina ianareo ? 2 Korintiana 13:5
Tompo ô, andraso amin'ny tehinao ny vahoakanao dia ilay andianondry fanananao.
Mikea 7:14a (Katôlika)
Dia nahary ny olombelona mitovy endrika aminy tokoa Andriamanitra; lehilahy sy vehivavy no nahariany azy. Genesisy 1:27 (DIEM)
Tsy fantatrao va? Tsy efa renao va fa
Andriamanitra mandrakizay Jehovah, izay namorona ny faran'ny tany? Tsy
mba mety ho reraka na sasatra Izy; Tsy takatry ny saina ny fahalalany.
Mampahatanjaka ny reraka Izy, ary izay kely hery dia omeny hery be. Isaia 40:28-29
Fantatro fa mahefa ny zavatra rehetra Ianao, ka tsy misy hevitra sarotra ho anao. Jôba 42:2 (Katôlika)
Hoy i Itsehaka tamin'i Abrahama rainy: -Dada
o! Ka novaliany hoe: -Mihaino anao aho, anaka. Ary hoy i Itsehaka hoe:
-Indreo ny vainafo sy ny kitay, fa aiza kosa ny zanak'ondry hatao sorona
dorana manontolo? Genesisy 22:7 (DIEM)
Mahatoky ka tokony hekena amin'ny fankasitrahana
rehetra izao teny izao: tonga tetỳ ambonin'ny tany Kristy Jesosy hamonjy
ny mpanota, ary amin'ireny izaho no lohany. 1 Timoty 1:15
Enga anie ny fitiavanareo hitombo bebe kokoa hatrany hatrany amin'ny fahaizana amam-pahalalana rehetra. Filipianina 1:9 (Katôlika)
Fantaro tsara izao: tsy hanana anjara lova
amin'ny Fanjakan'i Kristy sy Andriamanitra na ny mpijangajanga na ny
maloto fitondrantena na ny mpitia harena (fa mpanompo sampy ny mpitia
harena). Efesianina 5:5 (DIEM)
Na iza na iza manaiky fa Zanak'Andriamanitra Jesosy, dia mitoetra ao aminy Andriamanitra, ary izy kosa ao amin'Andriamanitra. 1 Jaona 4:15
Koa miambena àry, fa tsy fantatrareo izay tapak'andro hiavian'ny Tomponareo. Matio 24:42 (Katôlika)
Ary ankehitriny ianareo dia ankiniko amin'Andriamanitra
sy amin'ny teniny mirakitra fahasoavana. Andriamanitra no hampahery
anareo sy hanome anareo ny soa izay nataony ho anjaran'ireo rehetra
voatokana ho Azy. Asan'ny Apostoly 20:32 (DIEM)
Fa efa miseho ny fahasoavan'Andriamanitra, izay famonjena ny olona rehetra, mampianatra antsika handà izay toe-panahy tsy araka an'Andriamanitra sy ny filan'izao tontolo izao ary ho velona amin'ny onony sy ny marina ary ny toe-panahy araka an'Andriamanitra amin'izao fiainana ankehitriny izao. Titosy 2:11-12
Ho levona ny tany amana habakabaka, fa ny teniko tsy mba ho levona. Marka 13:31 (Katôlika)
Ny ranonorana sy oram-panala
milatsaka avy any an-danitra dia tsy miverina any raha tsy efa mahavonto
ny tany sy mahalonaka azy ary mampahavokatra azy ka mampahazo masomboly
hafafy sy hanin-kohanina;
dia ho tahaka izany koa ny teny aloaky ny vavako: tsy hiveri-maina foana
aty amiko izy, raha tsy efa nahatanteraka izay sitrako sy nahatratra ny
tanjona nanirahako azy. Isaia 55:10-11 (DIEM)
Fa ianareo kosa, ry malala, dia ataovy izay
handrosoanareo amin'ny finoanareo masina indrindra, ka mivavaha ao
amin'ny Fanahy Masina; ary tehirizo ny tenanareo ao amin'ny
fitiavan'Andriamanitra, miandry ny famindram-pon'i Jesosy Kristy Tompontsika ho fiainana mandrakizay. Joda 1:20-21
Ry mpiray tampo ara-pinoana, mahereza ao amin'ny Tompo sy amin'ny heriny tsy hay tohaina. Efezianina 6:10 (Katôlika)
