Salamo 103:11-12; Jaona 20: 29; I Korintiana 15:58

• Maraina

"Fa tahaka ny hahavon'ny lanitra ambonin'ny tany No haben'ny famindram-pony amin'izay matahotra Azy. Tahaka ny halavitry ny atsinanana amin'ny andrefana No halavitry ny anesorany ny fahotantsika amintsika." Salamo 103:11-12

• Antoandro

"Hoy Jesosy taminy: Satria nahita Ahy ianao, dia nino; sambatra kosa izay tsy nahita, nefa nino." Jaona 20: 29

• Alina

"Koa amin'izany, ry rahalahy malalako, dia miorena tsara, aza miova, ary mahefà be mandrakariva amin'ny asan'ny Tompo, satria fantatrareo fa tsy ho foana tsy akory ny fikelezanareo aina ao amin'ny Tompo." I Korintiana 15:58

Jaona 15:12; Efesiana 4: 1-3; I Samoela 24:20b

• Maraina

"Izao no didiko, dia ny mba hifankatiavanareo tahaka ny nitiavako anareo."  Jaona 15:12

• Antoandro

"Ary noho izany izaho, mpifatotra noho ny amin'ny Tompo, dia mangataka aminareo mba handeha miendrika ny fiantsoana izay niantsoana anareo amin'ny fanetren-tena rehetra sy ny fahalemem-panahy, amin'ny fahari-po mandefitra amin'ny fitiavana, mazoto mitana ny firaisana avy amin'ny Fanahy fehim-pihavanana." Efesiana 4: 1-3

• Alina

"Koa hovalian'i Jehovah soa anie hianao noho ny nataonao tamiko androany." I Samoela 24:20b

Matio 27:54; 2 Timoty2:11-12; Isaia 28:29b

• Maraina

 "Marina tokoa fa Zanak'Andriamanitra io Lehilahy io." Matio 27:54

• Antoandro

 "Mahatoky izao teny izao: Fa raha miara-maty aminy isika, dia hiara-belona aminy koa; raha miaritra isika, dia hiara-manjaka aminy; raha mandà Azy isika, Izy kosa handà antsika;" 2 Timoty2:11-12

• Alina

 "Fa mahagaga amin'ny fisainana Izy ary mahatalanjona amin'ny fahendrena." Isaia 28:29b

Matio 1:21 ; Jaona 1: 1, 14; Lioka 2:7

• Maraina

"Hiteraka Zazalahy izy, ary ny anarany hataonao hoe Jesosy*; fa Izy no hamonjy ny olony ho afaka amin'ny fahotany" Matio 1:21

• Antoandro

"Tamin'ny voalohany ny Teny, ary ny Teny tao amin'Andriamanitra, ary ny Teny dia Andriamanitra... Ary ny teny dia tonga nofo ka nonina tamintsika". Jaona 1: 1, 14

• Alina

 "Ary niteraka ny Lahimatoany izy, dia nohodidininy lamban-jaza ka nampandriny teo am-pihinanam-bilona; fa tsy nisy nitoerany tao an-tranom-bahiny." Lioka 2:7

Lioka 2:10-11; Kolosiana 2: 6-7; Matio 2:6

• Maraina

 "Ary hoy ny anjely taminy: Aza matahotra; fa, indro, milaza teny soa mahafaly aminareo aho, dia fifaliana lehibe izay ho an'ny olona rehetra; fa MPAMONJY NO TERAKA HO ANAREO anie ao an-tanànan'i Davida, dia Kristy Tompo." Lioka 2:10-11

• Antoandro

 "Koa tahaka ny nandraisanareo an'i Kristy Jesosy Tompo, dia mandehana ao aminy araka izany koa, ka mamaka tsara sy miorina mafy ao aminy ary tafatoetra amin'ny finoana, toy ny efa nampianarana anareo, ka mazoto amin'ny fisaorana." Kolosiana 2: 6-7

• Alina

 "Ahy hianao ry Betlehema,... Fa avy ao aminao no hivoahan'Izay anankiray ho Mpanapaka, Ka Izy no ho Mpiandry ny Israely oloko." Matio 2:6

Galatiana 6:9-10; Salamo 11: 6-7; Lioka 1:68

• Maraina

"Ary aza mba ketraka amin'ny fanaovan-tsoa isika; fa amin'ny fotoan'andro no hijinjantsika, raha tsy reraka isika. Koa araka ny ananantsika andro hanaovana, dia aoka isika hanao soa amin'ny olona rehetra, indrindra fa amin'ny mpianakavin'ny finoana". Galatiana 6:9-10

• Antoandro

"Handatsaka fandrika amin'ny ratsy fanahy Izy tahaka ny fandatsaka ranonorana; afo sy solifara ary rivo-mahamay no ho anjara kapoakany. Fa marina Jehovah, ka fahamarinana no tiany; ny mahitsy no hahita ny tavany." Salamo 11: 6-7

• Alina

"Isaorana anie ny Tompo Andriamanitry ny Israely; Fa nitsinjo ny olony Izy ka nanao fanavotana ho azy." Lioka 1:68