Lioka 12:5; 1 Petera 2:20-21; Hebreo 13:5

• Maraina

"Matahora izay manam-pahefana hanary any amin'ny helo, rehefa novonoiny; eny, hoy Izaho aminareo: Matahora Azy". Lioka 12:5

• Antoandro

‎"Fa inona no laza, raha tàhiny kapohina noho ny fahadisoana ianareo ka mandefitra amin'izany? Fa raha tàhiny manao soa kosa ianareo ka mitondra fahoriana sy mandefitra, dia izany no sitrak'Andriamanitra. Fa ho amin'izany no niantsoana anareo; fa Kristy aza efa nijaly hamonjy anareo ka namela fianarana ho anareo, mba hanarahanareo ny diany".1 Petera 2:20-21

• Alina

"Aoka tsy ho amin'ny fitiavam-bola ny toe-tsainareo, fa mianina amin'izay anananareo; fa hoy Izy: Izaho tsy handao anao mihitsy na hahafoy anao akory." Hebreo 13:5

Lioka 12:8-9; Asan'ny Apostoly 5:29; Salamo 76:11a

• Maraina

"Fa lazaiko aminareo: Na zovy na zovy no manaiky Ahy eo anatrehan'ny olona, dia heken'ny Zanak'olona kosa izy eo anatrehan'ny anjelin'Andriamanitra; Fa izay mandà Ahy eo anatrehan'ny olona, dia holavina kosa izy eo anatrehan'ny anjelin'Andriamanitra". Lioka 12:8-9

• Antoandro

"Andriamanitra no tokony hekena mihoatra noho ny olona." Asan'ny Apostoly 5:29

• Alina

"Mivoadia, ka efao ny voadinareo amin'i Jehovah Andriamanitrareo." Salamo 76:11a

Lioka 12:33-34; 1 Korintiana 10:23-24; Isaia 57:21

• Maraina

"Amidio ny fanananareo, ka manaova fiantrana; manaova kitapom-bola tsy mety ho tonta ho anareo, dia harena any an-danitra tsy mety ho lany, izay tsy azon'ny mpangalatra, sady tsy misy kalalao manimba. Fa izay itoeran'ny harenareo, dia ho any koa ny fonareo". Lioka 12:33-34

• Antoandro

"Ny zavatra rehetra azo atao, nefa tsy ny zavatra rehetra no mahasoa; ny zavatra rehetra azo atao, nefa tsy ny zavatra rehetra no mampandroso.Aoka tsy hisy olona hitady ny hahasoa ny tenany, fa ny hahasoa ny namany."1 Korintiana 10:23-24

• Alina

"Tsy misy fiadanana ho an'ny ratsy fanahy, hoy Andriamanitro." Isaia 57:21

Kolosiana 3:23-24; Apokalypsy 2: 10b; Salamo 146:2

• Maraina

"Na inona na inona no ataonareo, dia ataovy amin'ny fo, tahaka ny ho an'ny Tompo, fa tsy ho an'olona, satria fantatrareo fa ny Tompo no handraisanareo ny lova ho valiny; fa manompo an'i Kristy Tompo ianareo". Kolosiana 3:23-24

• Antoandro

"Aoka ho mahatoky hatramin'ny fahafatesana ianao, dia homeko anao ny satro-boninahitra fiainana." Apokalypsy 2: 10b

• Alina

"Hidera an'i Jehovah aho, raha mbola miaina koa; Eny, hankalaza an'Andriamanitra aho, raha mbola velona aina koa." Salamo 146:2

Jaona 4:23-24; Salamo 40:5; Salamo 122:7

• Maraina

"Fa avy ny andro, sady tonga ankehitriny, raha ny tena mpivavaka hivavaka amin'ny Ray amin'ny fanahy sy ny fahamarinana; fa ny Ray koa mitady ny mpivavaka aminy ho tahaka izany. Andriamanitra dia Fanahy; ary izay mivavaka aminy tsy maintsy mivavaka amin'ny fanahy sy ny fahamarinana." Jaona 4:23-24

• Antoandro

"Nohamaroinao ny fahagaganao sy ny hevitrao izay nataonao ho anay, Jehovah Andriamanitra ô. Tsy misy azo ampitahaina aminao Raha tiako hambara sy holazaina ireny, dia, indro, maro loatra izy ka tsy tambo isaina." Salamo 40:5

• Alina

"Fiadanana anie ho ao anatin'ny mandanao, Fanambinana anie ho ao an-dapanao." Salamo 122:7

Jaona 15:18-19; Ohabolana 11:25; Isaia 55:6

• Maraina

"Raha halan'izao tontolo izao ianareo, dia aoka ho fantatrareo fa Izaho efa halany talohanareo. Raha naman'izao tontolo izao ianareo, dia ho tia ny azy izao tontolo izao; fa satria tsy naman'izao tontolo izao ianareo, fa Izaho efa nifidy anareo tamin'izao tontolo izao, dia halan'izao tontolo izao ianareo." Jaona 15:18-19

• Antoandro

"Izay manisy soa olona hohatavezina; Ary izay mandena dia mba holemana kosa." Ohabolana 11:25

• Alina

"Mitadiava an'i Jehovah, dieny mbola hita Izy,Miantsoa Azy, dieny mbola akaiky Izy”. Isaia 55:6